好認真咁搞左五年open source project，認真程度係出錢又出力，而家總結點解香港人搞open source唔掂，又或者好難掂嘅原因
香港人動手能力極其低下
其實呢一點都唔洗啲咩證明同解釋，香港IT界人技術人仕其本上打份牛工或者為生活做下freelance仲有少少力之外根本就乜力都無。無力嘅原因我唔知，但係估計離唔開根本唔鐘意寫program呢回事。嗰啲阿叔話就有二十年經驗，其實減去為左份糧而工作嘅經驗基本上一年經驗都無。佢地嘅技術主要黎自份牛工嘅隨學隨做，佢地會好自豪咁講「嗰嗰都係咁㗎啦」，佢哋嘅世界自由香港牛工市場，牛場就係佢地生日嘅全部。外個嘅open source developer夢想改變世界嘅時候佢地會用所謂嘅廿年經驗去點頭評足，好似可批判到單咁，好撚猥瑣
香港根本無前輩可以照耀後來者
都唔好話提點下你，以我經驗香港啲阿叔有超過50%會叫你不如唔好搞，原因嘅白痴程度突破天際 :
- 無商業價值所以唔好搞。佢地根本唔知linux當年係興趣而搞，mysql都係。西方人興趣行先所以人地覺得高尚。就係因為興趣行先乜都敢試先揾到出路。
- 因為人地搞左，所以唔好搞。呢一點有啲常識嘅人唔會講得出口。wechat之前有msn，msn之前有icq。電腦界好多都係先模仿後超越，而佢地橋埋隻手乜都唔估做，係齋諗嘅時候就已經要超越全世界，否則就唔做。
- 阿叔因為技術唔熟商業又唔熟，要judge件事work唔work根本上得返比較死數字呢一招。佢地會話你人唔夠人地多，錢唔夠人地多，就斷言唔應該做。咁香港咁細嘅地方基本上比較數字係咩都唔洗做。
學界基本上係搞笑
香港學界係唔會復Email，唔好旨意你有技術問題可以問大學，一定唔會復你。香港大學教授嘅動手能力人盡皆知，就連香港嘅大學生都知自己教授唔會做實際野。係香港一個教授一年出12篇理文咁你估到佢地係到做緊乜野，香港學界唔可能堅負起作為一個城市嘅大腦嘅角色，可以咁講對普通市民，學界簡直係腦殘。
無政府支持
創新科技署無一個支援計劃係支持open source，佢地每一個支援計劃都要寫business proposal，佢地最想就係錢，直接拉高到香港GDP，你搞open source如果無即時market佢地係唔會支持你。同理科學園數碼港創科局都係一樣。因為政府零支持，加上滿腦子講商業價值，所以香港無前瞻性嘅民間科學研究，民間全面熄火。係政府嘅角度要做科學研究只會依賴大學同研究院，但兩者係開源嘅研究實力和貢獻都非常底下。
香港無籌款呢樣野
Apache group同GNU group有一大部份經費係黎自籌款而香港係無籌款呢單野，外國嘅企業用open source軟件，大嘅公司會捐錢資助個project，有好多會出埋人一齊改善個software，而香港嘅企業同政府係唔會咁做。香港班客佢地嘅屬性係西客，用都不特止仲要不停投訴，隻手同跛嘅無分別，唔會落手落腳去改良開源軟件，所以開唔開源對佢地黎講無分別。
