我估實相係咁 ： 時間係亂序執行
2024-10-20
1. 時間係亂序執行，否則佛教不能自圓其說。只要亂序執行講得通，佛教整套哲學體系就會自己渝合。而家佛教哲學有幾個不能接合嘅地方，第一就係講所有野係空，但又因緣生。第二就係佛教嘅神通如果係真，根本容唔落係自己套哲學體系裏面。就算講得最清楚嘅龍樹，都只不過係話當「果」出現時，「因」先會被確定。如果時間係線性，呢單野根本完全唔合理，但如果時間就亂序執行，咁就好正確。因為係呢一對事物「因」＋「果」佢地嘅時間當然係順序執行，但跳出左呢一對事物，佢地嘅時間線就唔係，所以係佢地時間線黎講果要出現左，因先可以成立。企左出去佢地嘅時間線，其實係果先出現，再到因。我再舉多個你地可以睇到嘅例子。int x; x=123. 呢兩句code，你地用verilator synthesis出logic gate，係呢兩句code嘅時間線上先有int x，先可以有x=123. 但其實係int x之前，係另一條時間線，x已經存在，所以果出現時，姐係int x出現時，佢個因x先被確立。乎合龍樹所講嘅野。古人因為科技所限，無法舉證。
2. 時間係唔係線性，而亂序執行唔會阻擋世情嘅出現。我地感受到時間係線性，因為只係我地要靠時間去圍持呢個身體同識。舉個實制例子，CPU係亂序執行，但被執行嘅program會以為自己嘅時間線係線性，但其實唔係。只係CPU唔會張下一句指令嘅執行結果話比上一句嘅指令知，最終令到program以為自己條時間線有如河流一樣線性。
