香港啲技術人好小氣, 所以同佢地交流要好小心, 以下列出必需要注意嘅重點

1. 唔好講佢地用緊嘅技術壞話, 雖然傻嘅都知有批評先有進步, 但佢地係唔會接受批評, 你一批落去佢地就會好小氣, 會係facebook到unfriend你, 會block左你
2. 啲技術人好鐘意係自己都未做過嘅情況下對你作出指導, 你千其唔好咁直接話佢地根本未做過, 佢地一定會嬲你一世, 佢地好小氣
3. 啲阿叔, 由其是自命識少少技術嘅阿叔, 你唔好質疑佢地嘅經驗, 就算你知佢地啲經驗係流嘅都唔好比佢地知你知道佢地流, 否則佢地會不停用自己啲經驗去大你, 好哂自己時間, 總之佢地話乜就乜千其唔好駁嘴
4. 啲後生啲嘅技術潮童好鐘意自稱full stack, 你同佢地講野一定要表現出認同, 唔好笑, 否則佢地好大機會會發癲
5. 千其唔好攞佢地做緊嘅界別同另一個界別比較, 佢地覺得自己個界別係天下無敵, 舉個例子, in-house佬會認為做in-house技術最高, 做R&D又會認為自己技術最神聖. 總之唔好比較, 佢地話係就係
6. 永遠唔好係python兒童到講python唔好, 你要話python係無敵嘅, 否則會被圍攻
7. IT老細面好鐘意話自己靠技術發達, 但其實盲嘅都知佢地靠sales做trade, 佢地間野同技術一啲關係都無, 但你唔好踢爆, 會死得好慘
8. IT界好多講野佬成日係傳媒到講野, 唔好問佢地係邊一方面嘅專家, 佢地會唔妥你, 因為人地年年變身做唔同嘅專家, 你問等同惡意挑戰, 會死的
9. IT界好多讀IT出身但其實係讀屎片嘅sales director, 唔好問佢地點解做sales而唔做tech, 佢地會以為你串佢, 唔好咁做
10. 係三大畢業嘅IT人面前唔好話三大, 佢地會聯合埋一齊搞你, 總之三大係全世界最好嘅大學

2023/09/17 by admin