香港有好多阿叔，業界學界商界全部都係由阿叔為主，同佢地只要係有少少聯絡，你都要好小心，以下是指引

1. 合作 – 如果你同啲阿叔合作，記得諗清諗楚先好開口，因為你一問啲阿叔合唔合作，佢地就會覺得你應該stick to佢地，係未經佢地同意之下你同其他阿叔傾，佢地會好唔高興，從而唔妥你。佢地會覺得你係佢嘅人，你呢種行為同去滾無分別，佢地會嬲，就算佢地未應承同你合作，佢地都會係咁諗
2. 傾談 – 你同阿叔交談，千其唔好俾佢地知你同其他阿叔講過你同佢傾嘅內容，因為佢同你傾計好多時都用啲白白地痴嘅經驗去大你，佢地好驚其他人知佢啲所謂經驗其實根本無人信，佢地好驚人知道佢地無料。所以唔會容許其他阿叔知佢同你講過啲乜。由此可以，你亦都唔好係阿叔面前quote其他阿叔講過嘅野，佢地會覺得侮辱緊佢。阿叔係要你崇拜佢，跪佢，學佢。呢點要揸得好緊。
3. 研究 – 你同阿叔講你嘅研究，本質上你要睇下醫生。如果你真係要講，你要留意班香港班阿叔最叻就係叫你唔好做，佢地會先講啲經驗再加啲弱智所謂證據然後叫你放棄，佢地好想見到佢聽佢講之後就放棄，有種指點江山嘅感覺，由佢地嘅表情可以感覺到佢地好high，好似諸葛亮講一兩句就成隊兵聽佢點咁，嗰種high嘅感覺百分之九十九嘅阿叔都好鐘意，你唔好say no，最好就話”係喎，我行錯左方向”，咁佢地就high爆喇
4. 生意 – 無論佢窮到見鬼都好，班阿叔總會吹自己”以前“做生意有幾勁，識幾多人，記住，你要附和，千其唔好提出質擬，亦都唔好叫佢介紹人你識，因為只會俾機會佢地揾你着數

香港唔存在”前輩”呢一層，我唔係話香港無人夠資格稱做前輩，而係真正稱得上係前輩嘅人太少，唔足以叫做一代人。所以要摒棄幻想，唔好諗住搞到啲阿叔去指導你，唔點你都算係咁。香港啲中小學生同年青人未知呢個事實，所以寫呢篇文。

2023/10/01 by admin