香港花太多時間係用玩具去吸引學生學編程，但無提升到對編程概念嘅表達，其實所有人都應該明白，如果係鐘意寫Program嘅小朋友，絕大部份第一次接觸就會愛上，其實係唔存在你要買好多玩具俾佢試先會所謂「啓發」到佢地嘅興趣。而個社會咁做不外乎得以下幾種可能

1. 我係𡃁仔都不停叫阿媽買不同玩具玩啦，無接觸過編程嘅父母唔明白呢個道理所以不停買
2. 因為賣玩具係一個賺錢嘅行業，而代理玩具黎香港賣亦都唔洗好有知識，自古以來香港係做左手交右手嘅生意，所以教育玩具業好發達。但真正對教育有研究嘅公司近乎無
3. 老師要有舊見得到嘅野同校長交代，所以對接高編程技巧唔係首要，唔買舊玩具返黎又點有野睇呢，所以玩具業發達

上面三個原因互為影響互相加強，所以教育展變教育玩具展。

對香港嘅影響：

大家都係做代理唔研發，而大粒佬係呢啲展到都係得講野兩個字亦都唔會研發，最終後果就係香港洗好多錢係教育到最尾得個殼，香港人可以話俾外國人知香港投資左好多錢落教育，買左好多光鮮嘅玩具，除此之外乜都無。香港唔洗諗會出到Basic之父或者Logo之父等等一系列用實際行動去壓低學習難度嘅教育家，香港人唔洗諗，所以我地要以行動作出改變。

教育展中嘅清泉：

呢間公司做到好Deep，成套教學工具自己出，老細寫左本ROS嘅書有自己嘅學習思想，相信佢係用自己學習ROS嘅學習經驗濃縮出黎

2024/12/13 by admin