Search Posts

Category: Uncategorized

同香港啲阿叔嘅交流指引

香港有好多阿叔,業界學界商界全部都係由阿叔為主,同佢地只要係有少少聯絡,你都要好小心,以下是指引 香港唔存在”前輩”呢一層,我唔係話香港無人夠資格稱做前輩,而係真正稱得上係前輩嘅人太少,唔足以叫做一代人。所以要摒棄幻想,唔好諗住搞到啲阿叔去指導你,唔點你都算係咁。香港啲中小學生同年青人未知呢個事實,所以寫呢篇文。

教學理念

其實香港啲IT教育大家心裏邊都覺得唔係太work, 至於點解唔work你問啲學生就知. 所以我打算宣揚呢個教學理念, 但係呢個理念太難(右圖), 所以先執行一個簡化版理念(左圖). 首先我地盡可能用自己開發嘅tool去教學生, 呢一點難度好大, 因為要求位老師真係實際咁開發到舊野出黎, 完整程度要足以教學, 咁樣可以收兩個好處, 老師保證足夠handson, 學生保證學到最handson嘅skill. 做到呢樣野相信教學會煥燃一新. 香港太多課程啲老師照稿讀, 根本自己就對自己所教嘅野無足夠深度嘅認識. 舉個例子, MIT嘅Operating system課程不單止老師可以創造一個OS, 佢地亦都可以帶領學生去創造一個OS, 而香港嘅OS課程只係吹下powerpoint, 抽少少concept寫少少C++就算數, 無論完整性都沒法同外國比. 又例如香港教compiler嗰班老師又有幾多個可以寫到一個完整compiler出黎, 咁樣仲走去教人唔知會教到啲咩知識出黎. 當老師真係攞得起自己舊野去教, 啲學生又學得識, 最後一步就係要啲學生投入返去開發個project, 咁老師同學生就會有一個可以共同進步嘅圈. 收到嘅好處就係啲學生唔會覺得老師無料, 老師唔會覺得學生廢. 係香港提出一啲會帶來改變嘅意見好危險, 我而家提出呢個理念肯定都好多人跳出黎插我, 佢地嘅原因不外乎就係話用人地嘅tool去教一樣收到好效果, 呢一點我都懶得去反駁.

道教與IT

呢本書講道教, 其實IT同道教好多相似之處 1. 道教最開頭玩 [ 請雷 ] 同 [ 請聖 ], 因為朝庭有啲嘅做得唔好例如農業搞唔掂, 加上解釋唔到自然現象所以請神幫助. 道教認為自太初(姐係宇宙之初)有一啲叫天寶字符嘅野成形, 道教唔知呢啲圖形符號係乜黎, 只係知道佢有神力可以一用, 所以啲有道行嘅道士張佢寫係張紙到就可以用黎消災解難. 對比起IT, 啲IT人好多時都解釋唔到啲技術係乜, 公司唔掂無效率解決唔到, 班友搞唔掂唯由寫道符(Tender)請神, 但班友又唔神心請神變左請鬼. 呢本書都講如果道士寫符唔淨心就會走火入魔, 請左啲邪鬼上黎. 2. 道教根本係一個無乜哲學嘅宗教, 成單野就係一大群道士係到吹, 而道士同道士之間係無提出過任何質問, 總之你有你講我有我講, 大家唔好踢爆各玩各嘅, 成個宗教就係一個大型嘅俾面派對大家唔好阻住大家揾食. 你睇返而家IT界啲KOL, 個個都係講埋啲你阿媽係女人嘅野, 有時仲要講錯, 佢地係好唔鐘意有人對佢地提出質疑, 那怕個質疑只係一條簡簡單單嘅問題, 佢地都唔會回應而unfriend左你. 我試過問Emil Chan同方保僑係邊一方面嘅專家, 佢地都即刻block Q左我. 呢一點同道教嘅道士非常相似. 3. 皇帝有問題問啲道士, 例如天下係點形成, 運勢有咩走法咁, 啲道士會答到超級high level完全落唔到地嗰隻. 對比係印度同希臘啲哲學家, 使佢地答唔到, 佢地都會嘗試將個問題break down去啲細啲嘅問題去再解釋, 而道教係只會將你指來指去, 一時就太初點點點, 一時就啲鬼神點點點, […]

教育界未必係教育界,性格黎講

香港嘅科研唔掂,由其是教育界嘅科研,因為佢地無”愛”。香港教育界當然有好多熱心教育嘅老師,但亦有好多人令教育界唔似教育界 1. 老師未必愛好和平 通常真係鐘意教人嘅人都會係比較和平,始終教人係一件神聖嘅事業。但係好多院校內鬥好嚴重,好多時候啲老師好鐘意鬥來鬥去,所以佢地一啲都唔愛好和平。 2. 其實教育界好多時都無乜包容 好多時候學生做錯少少野佢地會發火,無乜包容可言,學校理應係一個提供無限犯錯機會嘅地方,但相反,香港有好多學院根本唔容許人犯錯,無論係學生或者老師都係。舉個例子,youtube上大吧流浪教師,佢地都唔好話做錯野,只要做左少少人地睇唔順眼嘅野,就會被人搞掂。好多老師佢地嘅性格比公務員更加公務員,有突發事件,佢地會嬲。有啲唔係佢地plan左而出現左嘅事,佢地會發癲。總之佢地嘅性格係要跟預定計劃而行,任何人任何事只要中途殺出,佢地就會發狂。所以無論對人對事都無乜包容。 3. 老師根本就好小氣 學校呢個環境其實係一個好好俾人地小氣嘅環境,老師對上得幾個人佢地在乎,其它身邊嘅所有老師佢地可以盡性小氣一翻,小氣亦都可以好長久,姐係記仇。因為咁樣好多老師都無乜人際能力,舉個例子,兜口兜面打照乎可以無反應。 4. 香港嘅老師係按本子辦事嘅生物 一句講哂,跟課程教跟學校規舉。學校想點就點,大家打份工。外國老師因材施教係香港唔會發生,可以咁講,個種程度唔同。香港老師都會認為自己會因材施教,但變幅可能係10%,外國嘅係50%係香港唔會發生。點因材施教都好,功課唔會改,考試亦都會照考。 咁同香港嘅學院研究下啲野可唔可行呢? 無話唔可行嘅,六合彩都有人中啦。但我嘅真實睇法係呢個機會好渺茫。原因係咁:唔愛好和平嘅老師通常唔識做人,科研要有長久而穩定嘅人際關係,佢地唔會俾到你。無包容嘅學院你亦都唔洗哂時間去遊說,因為佢地個氣氛唔係做科研,佢地係打工。加上無包容度嘅老師無可能同你一齊研究一樣野好耐,因為科研要經歷失敗,佢地一經歷失敗就會發癲。你唔好同按本子辦事嘅老師講推廣科技,教書只係一份工作,除非好快可以幫到佢升職,否則你都係唔好哂時間。 其實掉返轉頭諗,如果香港嘅學院真係咁識得同人合作搞科研,全世界一早排隊黎揾佢地啦,洗等你咩。佢地一定係有一啲被全世界都唾棄嘅缺點,否則香港唔會係而家咁嘅局面。

香港搞open source搞唔起的原因

香港永遠唔會出到外國咁成功同大型的open source project, 原因如下: 原因一: 香港無錢 香港人最驚被人話無錢, 但係開源呢單野上正正就係無錢, 可以話係窮到一蚊都無嗰種. 唔信你可以申請下創新科技署同科學園, 你話你搞open source睇下批唔批到條毛俾你. 原因二: 香港人無堅持力同投入度 你可能會反駁香港人都搞好多open source project, 但係得罪講句啲project係停留係小工具嘅層面(我唔係串, 我只係講事實), 係級數同規模上無得同外國比. 至於點解呢世做小工具, 原因不外乎香港人堅持同投入度都極度低下, 無人可以做一單野用十年做單位. 原因三: 香港人好鐘意得個噏字 香港真係太多阿叔, 可以睇 創科阿叔心理分析 原因四: 香港人啲技術低 HK developer = App developer, 個底係打工仔一名, 啲咩科學改變世界唔會關佢地事, 佢地只關心轉工. 原因五: 香港學界無力 香港嘅學界基本上一蚊都揾唔到sponsor, 如果你揾啲教授合作, 佢地唔係自己着數哂就唔會做, 一係就係咁得個吹字. 講技術, 香港學界有幾多料大家都知, 出論文可能得, 但要開發啲實際野唔洗諗. 原因六: 香港無一群有科學使命嘅老細 所有老細為賺錢, 佢地可能都係讀科學出身, 但個底唔係科學人, 可以話一啲科學精神都無. 佢地搞野要三個月後攞出去賣, […]

香港SI界嘅本質

啲人問點解香港SI界唔係好似歐美咁,代理隻product跟著自己改裝,跟住越改越advance,咁就要由SI界嘅本質講起 香港SI嘅本質就係做trade 香港係轉口港,香港嘅SI本質無異,兩個字講哂就係做trade,姐係做買賣,左手入貨右手出貨。用一個好啲嘅比喻,SI就好似百老匯,入左啲冷氣你要咪送去你屋企裝囉。唔同嘅只係做嘅客係公司客,賣嘅貨係專業啲咁解。做trade無問題,賺到錢嘅生意就係好生意,香港做得大嘅IT公司基本上都係做trade。如果認清左個本質,咁你就會解釋到呢幾件事

香港啲阿叔,普遍都係kai嘅

呢篇文章係俾CS/EE嘅學生睇,目的係為左佢地唔好被香港啲阿叔摧毀左佢地做科技嘅熱情。係個社會上有班阿叔,年紀四五六十歲,個title掛到好大,又director又乜又柒咁,其實佢地嘅本質係kai嘅。 呢幾年我自己出錢資助左條team搞cpu,每年都會見到不同嘅阿叔,佢地嘅行為令我要寫呢篇文告誡班後生仔同呢班友相處要小心啲,小心自己做科技嘅熱情被呢班阿叔摧毀左。呢班友年紀係你地兩三倍,工作經驗可能係你地N部,就好似係山腳嗰度望咩山都高,所以你地要小心唔好佢地講乜你都信,呢個係好危險的。 啲阿叔根本就無實際經驗,一味鳩吹 做一個project你有技術問題,你可以試下問呢班阿叔,目啲係為左玩下佢地,佢地百分之九十幾係唔會答到你問嘅問題,當佢地答唔到就會講自己以前工作做過哂,不過呢啲low end野無做好耐,所以而家當可憐你指個方向你啦,你自己試下。你老味實情就係唔!撚!識!所有讀CS/EE嘅同學唔好被佢地fake到,技術呢會事好似踩單車咁,你幾年無踩跳上架單車到都會踩到,唔存在對個軟件一啲實際操作都唔識但又做過幾年呢回事。所以所有同學唔好因為啲阿叔鳩指你一個方向就以為佢識,唔好仲要以為佢地真係好有經驗。 唔係非technical就代表係其它非technical嘅方面都好勁好有經驗 啲做左管理好多年又或者做左好耐director嘅人唔代表好熟悉個market,相反地佢地絕大多數都係對個market無認識。啲學生搞startup班阿叔係技術上無法作出指導,佢地就會鳩指班學生要點做marketing,點到分析個business plan,講真,收!撚!皮!啦!你地做學生以為啲阿叔係個行頭到做左幾十年,升左上管理層就自自然然對個market好熟,呢個諗法好make sense但真係kai都無人有。如果你地班後生仔搞啲新野佢地聽幾句就知盤生意點搞,佢地發哂㗎啦,洗同你係到吹水咩。舉個solid嘅例子,香港好多sales director其實唔識sell野,更加唔熟market,否則佢地做左老細好耐啦。你地會有懷疑咁點解佢地會升到做sales director,咪因為佢地識屌sales仔囉,根本同熟唔熟個market一啲關係都無。佢地入間公司唔係間公司第一日成立就入去,係間公司成立左好耐,有哂既定業務先入,佢地照run㗎炸。唔好再信班阿叔講野啦。 大部份嘅阿叔都係虎頭蛇尾 人地蘇姿丰做半導體做左幾十年講野梗係要聽啦,香港啲阿叔做下呢樣人十口心下嗰樣,你地學生以為年紀大啲講野唔多唔少都要聽下,其實呢班友根本都無一件事做得深入。你地啲學生唔好佢地講乜都信。一個CS畢業嘅阿叔如果0code其實都可以收線,唔好被啲阿叔迷惑左以為佢地好專業係一件事到,佢地絕大部份都唔係,如果佢地係就唔係連你地啲學生問題都無法俾一個solid嘅回應。

點解香港人搞open source project唔掂嘅原因

好認真咁搞左五年open source project,認真程度係出錢又出力,而家總結點解香港人搞open source唔掂,又或者好難掂嘅原因 香港人動手能力極其低下 其實呢一點都唔洗啲咩證明同解釋,香港IT界人技術人仕其本上打份牛工或者為生活做下freelance仲有少少力之外根本就乜力都無。無力嘅原因我唔知,但係估計離唔開根本唔鐘意寫program呢回事。嗰啲阿叔話就有二十年經驗,其實減去為左份糧而工作嘅經驗基本上一年經驗都無。佢地嘅技術主要黎自份牛工嘅隨學隨做,佢地會好自豪咁講「嗰嗰都係咁㗎啦」,佢哋嘅世界自由香港牛工市場,牛場就係佢地生日嘅全部。外個嘅open source developer夢想改變世界嘅時候佢地會用所謂嘅廿年經驗去點頭評足,好似可批判到單咁,好撚猥瑣 香港根本無前輩可以照耀後來者 都唔好話提點下你,以我經驗香港啲阿叔有超過50%會叫你不如唔好搞,原因嘅白痴程度突破天際 : 學界基本上係搞笑 香港學界係唔會復Email,唔好旨意你有技術問題可以問大學,一定唔會復你。香港大學教授嘅動手能力人盡皆知,就連香港嘅大學生都知自己教授唔會做實際野。係香港一個教授一年出12篇理文咁你估到佢地係到做緊乜野,香港學界唔可能堅負起作為一個城市嘅大腦嘅角色,可以咁講對普通市民,學界簡直係腦殘。 無政府支持 創新科技署無一個支援計劃係支持open source,佢地每一個支援計劃都要寫business proposal,佢地最想就係錢,直接拉高到香港GDP,你搞open source如果無即時market佢地係唔會支持你。同理科學園數碼港創科局都係一樣。因為政府零支持,加上滿腦子講商業價值,所以香港無前瞻性嘅民間科學研究,民間全面熄火。係政府嘅角度要做科學研究只會依賴大學同研究院,但兩者係開源嘅研究實力和貢獻都非常底下。 香港無籌款呢樣野 Apache group同GNU group有一大部份經費係黎自籌款而香港係無籌款呢單野,外國嘅企業用open source軟件,大嘅公司會捐錢資助個project,有好多會出埋人一齊改善個software,而香港嘅企業同政府係唔會咁做。香港班客佢地嘅屬性係西客,用都不特止仲要不停投訴,隻手同跛嘅無分別,唔會落手落腳去改良開源軟件,所以開唔開源對佢地黎講無分別。

Force gdb to read .gdbinit in current folder

GDB User Initialization File The user initialization file contains commands that are executed upon the startup of GDB. It is located in your home directory under the path: ~/.gdbinit Create/edit this file and add the following line to this file: set auto-load safe-path / This allows our programs to use a current directory initialization file, […]

Next Page »