呢本書講道教, 其實IT同道教好多相似之處
1. 道教最開頭玩 [ 請雷 ] 同 [ 請聖 ], 因為朝庭有啲嘅做得唔好例如農業搞唔掂, 加上解釋唔到自然現象所以請神幫助. 道教認為自太初(姐係宇宙之初)有一啲叫天寶字符嘅野成形, 道教唔知呢啲圖形符號係乜黎, 只係知道佢有神力可以一用, 所以啲有道行嘅道士張佢寫係張紙到就可以用黎消災解難. 對比起IT, 啲IT人好多時都解釋唔到啲技術係乜, 公司唔掂無效率解決唔到, 班友搞唔掂唯由寫道符(Tender)請神, 但班友又唔神心請神變左請鬼. 呢本書都講如果道士寫符唔淨心就會走火入魔, 請左啲邪鬼上黎.
2. 道教根本係一個無乜哲學嘅宗教, 成單野就係一大群道士係到吹, 而道士同道士之間係無提出過任何質問, 總之你有你講我有我講, 大家唔好踢爆各玩各嘅, 成個宗教就係一個大型嘅俾面派對大家唔好阻住大家揾食. 你睇返而家IT界啲KOL, 個個都係講埋啲你阿媽係女人嘅野, 有時仲要講錯, 佢地係好唔鐘意有人對佢地提出質疑, 那怕個質疑只係一條簡簡單單嘅問題, 佢地都唔會回應而unfriend左你. 我試過問Emil Chan同方保僑係邊一方面嘅專家, 佢地都即刻block Q左我. 呢一點同道教嘅道士非常相似.
3. 皇帝有問題問啲道士, 例如天下係點形成, 運勢有咩走法咁, 啲道士會答到超級high level完全落唔到地嗰隻. 對比係印度同希臘啲哲學家, 使佢地答唔到, 佢地都會嘗試將個問題break down去啲細啲嘅問題去再解釋, 而道教係只會將你指來指去, 一時就太初點點點, 一時就啲鬼神點點點, 總之就亂點一通. 你再睇返我地而家啲KOL, 佢地講野永遠係企係國家同人類層面去講所有野, 你叫佢地deep啲講下啲實際技術, 佢地係做唔到嘅. 好似而家興人工智能, 佢地會開show講人工智能對人類有咩影響, 大佬呀你識條毛咩. 而香港嘅傳媒基本上0Code, 佢地根本分唔到啲講野嘅人到底有幾認識隻技術, 所以成個IT道教化.
https://www.books.com.tw/products/0010863772
